英超修咸頓中堅華基爾雲迪積克喺今個夏天走極都走唔到，佢仲遞左轉會申請，幾乎同球隊鬧翻，直至上場對水晶宮先有後備上陣嘅機會。雖然雲迪積克上場只係出左5、6分鐘，但領隊柏歷堅奴依然對佢信心十足，大讚佢係全英超最好的後衛之一。但柏歷堅奴似乎唔肯定雲迪積克喺隊中嘅未來，仲好有玄機咁話:「我唔知一月會發生咩事。」相信聽到呢句嘅利迷都會有無限聯想。

對於雲迪積克嘅前途，柏歷堅奴話:「我們必須要承認，足球係一盤大生意，大球會對佢（雲迪積克）有興趣亦係一件正常嘅事。我唔知下年一月會發生咩事，到時我地會買啲新球員，進一步提升陣容。而其他隊伍嘅做法其實都係一樣，佢地會物色好嘅球員，而雲迪積克就係一個好例子。雲迪積克係英超其中一個最好嘅球員，啲勁隊想買佢其實係好正常嘅事。」

柏歷堅奴嘅講法大方得睇，而一句「我唔知一月會發生咩事」，卻惹來無限聯想，唔知係咪暗示雲迪積克會喺一月走佬？