李思捷和單立文(豹哥)早前在新節目《今晚玩李》整蠱大紅人「坤哥」吳業坤,坤哥被屈整爛豹哥一支好貴重的結他,坤哥驚到要即場鞠躬道歉。
被坤哥粉絲狂插蝦新人的思捷和豹哥昨日在九龍灣為「今晚豹制李演唱會」綵排,豹哥解釋:「整蠱節目玩人要盡啲,每人都有fans,如果我哋玩得唔盡,我哋啲fans都不滿我哋。」思捷則說:「做節目只求觀眾有讚,坤哥贏咗,冇人笑我哋先失敗。」矛頭直指思捷乞人憎,他說:「唔緊要,最重要有反應。坤哥好正,好sweet,佢係冇做錯,佢好大方say sorry贏晒。」他們續說:「唔係蝦,反而加咗分,好多人讚佢。做節目說服唔到人同整蠱唔到人,就係我哋唔成功。」