許廷鏗和王灝兒(JW)今日到何文田港鐵站出席宣傳活動，聯同港台一眾DJ和觀眾粉絲玩遊戲，兩人分享坐港鐵趣聞。

JW就被男仔追，佢話：「發生好多年前，有個混血兒樣男仔，喺我落車後主動追住同我講嘢，問我叫咩名攞電話，我梗係冇畀佢啦，電話唔可以亂畀人。」許廷鏗讀牙科仲係學生時，頻頻搭地鐵，好多時在車廂溫書，仲記得曾有星探喺車廂中發掘他。兩人透露成為藝人後亦經常坐地鐵，許廷鏗經常遇到旁人用手機偷影他，佢會主動同方可以打招呼。

JW一月喺紅館舉行嘅演唱會門票已經售罄，佢話：「第一次紅館show好緊張，當日知道啲飛賣晒時爆喊咗，當時拉緊筋，老師仲以為係佢整親我。」被笑有米男朋友買咗半場演唱會飛？JW佢笑住口話：「冇呀，佢有買飛，冇買半場咁多。」許廷鏗10月底會推出新唱片，是他轉投新公司後首張專輯，JW話會親自購買支持。