韓國23歲「國民初戀」秀智去年11月先承認同「長腿Oppa」李敏鎬甩拖，分手4個月，上周五佢就被爆撻着36歲嘅《鬼怪》「地獄使者」李棟旭，年齡相差13年。

雖然秀智認拍拖，但都無損佢「國民初戀」嘅形象，根據韓國一個調查公司進行「白色情人節」嘅調查中，當中分別訪問咗各2千名男網民及女網民，當中秀智就成為男網民最想喺白色情人節送禮物嘅女星冠軍，緊接係AOA嘅雪炫、IU、朴信惠及韓智敏。

至於最想從哪位男藝人手中收到禮物？女網民最想送禮物向佢示愛嘅就係《鬼怪》男星孔劉，緊接孔劉之後就係朴寶劍同宋仲基。而朴寶劍同宋仲基已經連續第二年登上頭三甲位置。

更多韓流，喺晒《娛果》
http://fb.com/appledailyent