李錦聯前晚擔任陳喜蓮（左）喺文化中心舉行嘅演唱會司儀，黃夏蕙同張立基就做嘉賓。約滿無綫嘅李錦聯話嚟緊會去福岡旅行，聽日就會同「鼎爺」李家鼎一齊拍食品廣告，廣告口號有「問李點鼎」同「鼎李唔順」。
問李錦聯會唔會同鼎爺合作搞食肆？佢就講笑話要賣滷味同燒味，個名叫「鼎李滷味」。佢又主動講傳不和嘅安德尊，話今年唔使派利是畀佢。
撰文：馮仁昭