【藥效成疑】
「佢哋唔係真醫生，仲要打假藥呃人錢，仲搞到啲客變出孖膶腸、爆紅疹，但一年都賺過億！」除了《蘋果》記者化身卧底2個月潛入整容集團調查「黑醫」運作外，亦有寶嘉醫療集團的本港員工向記者爆料，但因為安全理由希望能在她們離職後才把事件曝光，如今她們均已離職。
阿儀（化名）在寶嘉工作了2個多月，她說入職不久已發覺公司問題多多，除針藥效用成疑，更懷疑有假醫生無牌行醫，在擔心犯法之下，她和同事相繼離職。
阿儀表示集團的「醫生」均來自內地，「睇個款就唔似真醫生」，而過百萬元的療程亦接連發生意外，她曾經目擊有闊太打完針藥後立即面部紅腫，另一人則滿面紅疹，亦有客人豐唇整容後慘變「孖膶腸」，更引發與集團的糾紛。

疑維他命Ｃ作美容針劑

「嗰啲檢查同針藥好可疑，個檢查話戴個耳筒就做到，真係好假。」阿儀一直懷疑公司提供非法整容服務，「話就話鮮活細胞，但從來冇人知（注射針藥）係乜嚟」。她後來見到有人疑把維他命Ｃ充當美容針劑注射，就更加擔心自己會墮入法網，於是辭職。
Elsa（化名）則在集團內工作了較長一段時間，她說集團亦在本地請人，包括高層職員，Elsa說內地員工為了賺取大額佣金，常聯同「專家」游說闊太參加最昂貴的療程，其中一名女員工被稱為「張官長」（即長官）」，常把自己漂亮的外表當生招牌硬銷，多次成功「斬客」，游說到闊太們購買過百萬元的抗衰老療程。
■記者金敏琍