大雄在站內負責維持秩序，確保車站運作如常和乘客安全，遇到有人帶大型樂器，一般酌情處理，例如勸喻他們走到車頭車尾。對於港鐵推出大型樂器登記制度後，大雄直言無用，限時限刻對帶樂器乘客不便，放寬幅度幫助不大，「個人公德心重要過一條條例，整一條條例限死咗，對音樂（人）嗰邊、對執法都有啲難處」。
大圍站屢爆出爭執，大雄指不清楚是否特別嚴，但坦言每個港鐵站文化不同、前線判斷亦不同，「可能嗰個站文化捉得緊，上頭壓落嚟話要捉緊啲，就算個人唔想，上頭壓落嚟你都要做」。大雄自言同情帶樂器乘客，「一個學生好守秩序咁上車，我唔會太想趕佢出閘」。
■記者潘柏林