居所設施千瘡百孔易生危險
蘋果基金撥款助貧家維修
蘋果日報 2005/04/10 00:00
楊婆婆居所的電線殘舊、天花板油漆剝落、木門和鐵閘的鉸位鬆脫；獨居的卓伯，住在樓齡數十年的唐樓，近日被屋宇署勒令維修渠管。兩個貧困家庭獲蘋果日報慈善基金「家居維修專戶」撥款資助，得以維修家居。
楊婆婆的居所已有逾四十年樓齡，由於長年缺乏維修保養，單位千瘡百孔。
「我成間屋都甩甩漏漏，早幾日廚房、廁所嘅去水渠重塞咗，搞到成屋水浸；另外電線、木門同鐵閘搖搖吓，天花板嘅油漆又成日跌落嚟，好煩！」
六十六歲的楊婆婆，任職清潔工人多年，四年前失業，加上健康欠佳，現已退休。「我腰骨生骨刺，壓住中樞神經，影響到雙腳麻痹，行同企都好辛苦，醫生已經幫我排期做手術，希望有機會好番。」
楊婆婆與同齡丈夫及兒子同住，由於其子失業多年，一家生計現靠任職辦公室助理的丈夫獨力維持，經濟緊絀。
「為咗慳錢，屋企好多嘢都係我老公落手落腳整，但佢始終唔係專業，好似啲電線咁，佢就拉到亂七八糟，加上我哋重係用緊兩腳插蘇，我成日擔心會有危險，想搵師傅嚟整，又冇咁多錢。」
蘋果基金已將楊婆婆的個案，轉介香港社區組織協會「家居維修隊」跟進，並撥款五千元資助維修工程。
「屋宇署寄咗幾封信嚟，通知我要夾錢維修大廈嘅渠管，我都唔知點算。」七十八歲的卓伯歎道。他數十年前購入一個位於深水埗的唐樓單位，原以為晚年有個安樂窩，誰知該單位卻成為他的包袱。
「大廈久不久就要夾錢維修，一時換樓梯電燈、一時換消防喉、又試過拆僭建物，令我用晒積蓄。」
卓伯早年與妻子仳離，他退休前為管理員，近年由於耗盡積蓄，去年開始申領綜援金。
「今次大廈換渠管，每戶要夾成五千蚊，社會福利署幫唔到我，屋宇署話只可以幫我申請貸款，老實講，借錢我邊有錢還，好擔心佢哋會收咗我間屋，遲啲要瞓街。」
蘋果基金了解卓伯的處境後，已於「家居維修專戶」撥款五千元，助他維修家居。
社會有不少貧困老弱，因欠缺維修費，活在日久失修的居所內。
有見及此，蘋果日報慈善基金特設「家居維修」專戶，籌款協助貧困家庭進行緊急及基本的家居維修，減輕他們經濟負擔，改善生活環境。善長慷慨支持，可讓更多有需要家庭受惠。
「家居維修」專戶捐款編號︰C1616
暖流熱線
電話：29908688
傳真：23702192
電郵：[email protected]
網址： http://www.charity.atnext.com
卓伯獲蘋果基金資助他維修所住大廈的渠管。