由吳雨領班嘅新亞視，今日喺九龍麗思卡爾頓酒店宣佈「亞洲電視數碼媒體有限公司」成立，並推出「ATV亞洲電視App」。藝人陳志雲、王喜、曾華倩、向海嵐、陶傑、朱慧珊、劉錫賢、張家瑩等均有出席。

王喜同向海嵐將於每周四晚8點至9點主持新節目《今晚見》，另晚上11點至11點半再有《今晚夜D見》，主要講旅遊同飲食。問到係咪全力支持新亞視？王喜笑言﹕「唔止全力，而係全身支持呀！」

問到擔唔擔心拖糧？王喜話﹕「相信搵我哋嘅人。(酬勞好好？)幾好，係好有誠意嘅，最重要出嚟大家睇得開心，我對整個製作都有信心，主要因素都係大師志雲啦。(同無綫比呢？)唔好比較，冇需要，夠使就得。」向海嵐亦都話﹕「新人事新作風啦，唔擔心(冇糧出)，吳雨大哥之前搵我，對佢做節目有信心。」問到係每集，還是一個節目咁計錢？向海嵐話﹕「係長壽節目，但商業秘密
唔可以透露。」

更多娛聞，喺晒《娛果》
http://fb.com/appledailyent