近年，台灣遊樂設施可謂推陳出新。早前台中紅點文旅以酒店大堂一條滑梯，被英國《每日郵報》封為「全世界最好玩的酒店」；高雄國立科學工藝博物館去年年底推出的立體螺旋滑梯，18米高5樓繞圈滑下，12秒落地轉到你暈；台南仁德十鼓文創園區今年三月新開的六層樓雙軌旋轉梯，時速80公里6秒落地，快到有離心力。三條滑梯記者也實地試玩過，刺激度媲美機動遊戲，打破滑梯只能存在於戶外和只啱小朋友玩的定律。

繼酒店、科學館、百年糖廠後，連百貨公司都唔放過！上周五，全台灣第一條商場內的「空中飛梯」，在台中大魯閣新時代購物中心正式啟幕。「空中飛梯」同為雙軌滑梯，分別在商場二樓及三樓，前者高5.2米，後者高9.4米，從三樓瀡落地時間約為9秒，高度及秒速也不及南部兩條巨型滑梯，不過年紀較細的小朋友都玩得，應該更老少咸宜，暑假來開台中切勿錯過。

記者：王秋婷
P.S 小建議：上個月出過的台南滑梯故仔可以係FB PAGE連埋呢條即時出多次，有片，睇下有冇用thanks。
http://hk.apple.nextmedia.com/supplement/travel/art/20160524/19624127
http://hk.apple.nextmedia.com/supplement/travel/art/20160524/19624887