荷李活男星米奇洛基（MickeyRourke）數年前曾憑電影《拼命戰羊》（TheWrestler），奪得金球獎劇情組影帝，兼且鹹魚翻生，不過現年62歲嘅佢，近年已經無以為繼。

原來佢近日立心重返拳壇，剛剛更同足足細佢33年嘅29歲拳手ElliotSeymour，喺莫斯科打比賽。刻意減咗33磅到179磅嘅米奇，已經操番弗個身型，不時係比賽度主動功擊對手，而Elliot則係捱打一方，係防守中等候反擊，米奇係第1同第2回合，都分別打倒對手，仲用勾拳令對方坐落地後，令原本舉行5個回合嘅賽事，最終未夠兩個回合就完場，獲裁判宣佈勝出。

有網民為拳賽興奮：「好似睇《洛奇》（Rocky）電影一樣，除咗洛奇個樣變成老爺爺。」

不過亦有網民就話拳賽太過假：「米奇應該值得拎一座奧斯卡，多過一條勝利腰帶！」明寸佢扮嘢，但米奇照樣興奮，賽後仲同今次幫佢操練嘅美國傳奇教練羅奇（FreddieRoach）慶祝。