點解網民咁like杜汶澤？一來，因為佢靚仔；二來，佢夠高；三來，佢夠寸嘴；四來，佢係演員，但講咗好多，演員唔敢講嘅嘢。連疑似愛港力支持者都要疾呼﹕「咪聽條杜汶澤同啲爛鬼傳媒亂up。」see,影響力幾大﹗

噚日，阿澤又講嘢。E呀……佢連政制及內地事務局副局長劉江華都敢「小」呀。阿澤喺facebook寫道﹕「今日會計師同我講我要交幾多錢稅果陣，我差啲跌能咗落地。啲人成日勸我唔好成日鬧政府，我想知點解？我俾咁多錢﹗咁多錢﹗咁多錢你﹗講句都唔得？

「劉江華，如果你喺街見到我，你唔使叫我做老闆，不過，我小你亦唔好問點解﹗」呢個status，有近二萬九千人like。

人哋副局長大拿拿18.3萬一個月呀﹗佢做過啲乜嘢？大家唔想知，只係想呢啲大話特首同厚顏高官新年快落﹗

(p.s.其實阿澤之前仲有另一佳句，關乎香港警察喺元旦遊行嘅表現……佢話﹕「以前啲警匪片，啲下屬做錯嘢，上司最興講﹕信唔信我調你去守水塘吖嗱？依家應該改為﹕信唔信我調你去守中區呀？)