十優港姐麥明詩一向敢言，面對大是大非，麥明詩亦冒着被大台照肺的危險挺身而出，最為人記得的，相信是她在17年轉發了一篇「七警暗角打人事件」判決後，警察隊員佐級協會主席陳祖光認為「司法判決不公道」的文章，然後在個人社交網站留言：「點解打人後要坐監係不公義嘅？」（相關新聞： https://bit.ly/2Zonzp8 ）。最近麥明詩在大台節目《後生仔傾吓偈》中談論「陰謀論」時，就指香港樓市高企的原因，是想年青年人搬去其他地方居住。

在剛過去的星期二播出的《後生仔傾吓偈》，節目主題是談到一些流傳已久的陰謀論或都市傳說，不過麥明詩在節目上突然反問陸浩明及馮盈盈，有沒有聽過香港樓市高企的原因，陸浩明聽完即回覆說：「樓市高企表面上係因為唔夠地囉！」之後麥明詩就即時戴頭盔說這個陰謀論是聽回來的，然後說：「就係如果樓市keep住高企，無論整嗰啲辣招，只會令到個樓市更加貴，就係導致我哋年輕人上唔到車，於是我哋就要搬去其他地方。」

聽完麥明詩的「陰謀論」後，陸浩明即時說：「咁得意嘅，你上網睇到啲陰謀論？都幾得意㗎喎！」誰知麥明詩即時又答：「唔係上網睇㗎」，之後陸浩明解圍說：「你自己諗出嚟㗎？咁我唔知喇！佢嘅立場不代表本台嘅立場，純粹個人意見。」而自知講錯說話的麥明詩即說：「我都係發夢㗎咋」，另一拍檔馮盈盈狂兜說：「發夢當見到」。

到底麥明詩口中的「導致年輕人上唔到車要搬去其他地方」，到底是聽誰講？她發夢看到？又抑或是發夢的時候聽回來？真的要問番麥明詩才知道！

--------------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9