胡錫進喺Twitter話:「1989年大陸嘅GDP略高於台灣,係台灣嘅兩倍,到今天已經係23倍」,仲反問蔡英文「你會因為呢個變化而感到沮喪同絕望嗎?」以為拎中國國力強大出嚟就會攞到威,同時貫徹中共用經濟成就合理化當年屠城嘅歪理。
不過咁,話大陸經濟好過台灣,有啲常識嘅人都知同現實不符啦!中國因為國家規模咁大,GDP數字有急速增長絕對唔出奇,但總理李克強之前先自爆,全中國有六億人每月收入得1,000蚊人仔。八方再睇番經濟數據,根據國際貨幣基金(IMF)上年4月公佈,依購買力平價(PPP)計算,台灣人均GDP係5.5萬美元,而中國呢?係得1.95萬美元,唔知胡錫進見到呢個數,又有冇沮喪同絕望呢?