41歲嘅林志穎，去年老婆陳若儀（Kelly）就幫佢生咗一對孖仔，哥哥叫Jenson，細佬叫Kyson，夾埋大哥Kimi，一間屋有四個男人，真係好大男人味呀！

孖仔出世以來，小志一直都無po過Jenson同Kyson嘅正面相，之前都只係po過Kyson嘅近拍睫毛相，話佢啲眼睫毛好長，同大哥Kimi一樣。今日小志為咗慶祝佢微博粉絲人數超過6,500萬，佢就係微博po咗四張孖仔嘅高清正面相，滿足下粉絲們嘅願。

話晒係孖仔，小志就好細心咁喺張相到寫明邊個喺Jenson，邊個喺Kyson，等大家唔會混淆兩兄弟。佢仲留言說：「慶祝微薄（博）6500萬粉絲，和大家分享一下我們收到的很美妙的禮物。他們快六個月了，請祝福他們要平安快樂成長哦！」見到細佬Kyson個樣，無論是笑容、眼睛、眼神，成個小志嘅翻版咁，而哥哥Jenson就長得比較似媽媽。