周汶錡（Kathy）法籍男友JulienLepeu，今年中被拍到夜蒲狼咀新人張苡澂，Kathy之後當無事發生，火速原諒男友。
前晚Kathy久休復出，在WHotel行慈善騷，穿上學生設計的性感長裙，事前她稱男友不會到場，但開騷前，男友Julien和妹妹周麗淇（Nikki）原來神秘到場打氣，首次看Kathy行騷的兩人在台下孖住坐，更傾偈傾到拍大髀，一見周汶錡出場就呼叫、拍掌。
不過，周汶錡騷後卻避和男友合照，兩人被問到婚期更大耍太極。Nikki就說：「我同Julien都係第一次睇家姐做騷，好開心。」

Nikki拍拖睇緣份

問Nikki恨不恨拍拖，她即說：「睇緣份啦，Julien嗰類都幾OK呀，好男友不分國界。」家姐做媒人代搵男友？Nikki說：「唔會，我成日唔出街，不過緣份好難講，或者啲人㩒錯鐘就係嗰個。」記者指依她的想法，恐怕要變成香港的敗犬女王？Nikki即大反應：「啋！唔係呀，我仲有段時間！」
採訪：顏英儀
攝影：黃文成