【新增動新聞】
皇家馬德里喺香港時間禮拜六嘅晚上8點嘅黃金檔期，會喺巴拿比奴迎戰宿敵巴塞隆拿。兩隊嘅領軍人物基斯坦奴朗拿度（C朗）同埋美斯今季表現有好大出入，後者喺今季西甲嘅場均入波、助攻、射門命中率，同埋成功扭波嘅次數都好過C朗。呢位葡萄牙國家隊隊長唯一係每場6.7次起腳叫做多過美斯，但入波少咁多，起腳多都唔知係唔係好事。

球隊嘅情況都係差唔多，皇馬每場起腳19.1次，多過只係得15.8次嘅巴塞，但係呢支西甲榜首球隊每場平均入2.6球，就好過場均入兩球嘅皇馬。銀河艦隊嘅控球指數都唔及巴塞，但係傳波準繩度就好少少，每場平均剷波次數都多啲。

皇馬依家喺西甲排第4，落後榜首嘅巴塞11分。雖然話皇馬依家踢少場，但如果再輸嘅話就會俾人越拉越開，爭衛冕嘅難度只會更加高，所以今場波對銀河艦隊嚟講，真係非同小可㗎！

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM