余香凝日前應邀出席意大利珠寶品牌活動出任模特兒，當天以一襲低胸連身長裙配襯名貴珠寶，罕有性感示人，令人眼前一亮。余香凝以往也有機會佩戴名貴珠寶，不過她自爆每次都要禁飲水：「因為我驚去廁所，洗手時會唔覺意除低隻戒指之類嘅珠寶整唔見咗，所以全日只係飲幾滴水，濕吓個口就算數。」

提到首次購買珠寶的經歷，就是跟妹妹買手鏈送給余媽媽作為生日禮物，她說：「記得當時仲讀緊書，同妹妹一齊儲零用錢，不過冇乜經濟能力，只能夠買純銀。而家自己有個目標，希望努力工作儲到第一桶金，首先送層樓畀媽咪，之後再買一條好靚嘅鏈畀佢。」

據知，余媽媽早已為兩個女兒儲定金器做嫁妝，余香凝透露：「媽咪有買定龍鳳鈪，不過我應該冇咁快戴到喇，之前有玄學師傅贈言，話我呢幾年冇桃花！」寄情工作的余香凝更想與童顏媽咪以『三姊妹』檔接Job：「早排我同媽咪、妹妹去希臘旅行，人人都話媽咪keep得好好，好似家姐咁。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇