【無綫台慶亮燈】 陳豪唔答生仔定女慘遭叻哥兜巴星
蘋果日報 2013/10/04 06:00
陳豪陳法拉黎耀祥法外風雲
叻哥質問陳豪BB係男定女，陳豪答案模稜兩可，叻哥就兜巴星佢。- 專登搵嚟一大班演員去扮法庭宣傳《法外風雲》。
- 叻哥仲好鬼馬咁問陳豪個BB係仔定女。
- 原本個檔期係《OnCall36小時》，估計因為要谷陳豪做視帝所以改做《法外風雲》。
- 嘟姐枱面係有份稿，咁冇理由唔知有第三段片啦。
- 兩個男主角一定要打返場。
- 主角黎耀祥以一打六。
- 到底之後會唔會撞車呢？相信大家都估到。
- 咩嚟？子彈亂飛畫面。點少得最近好Hit嘅狙擊呢。
- 主角入醫院嘅劇情又點會冇呢。
- 到底陳豪今年可唔可以做視帝呢？
喺無綫台慶亮燈節目《時刻裝備TVB創造46年傳奇》，入面就介紹咗嚟緊嘅由黎耀祥、陳豪同陳法拉主演嘅台慶重頭劇《法外風雲》，一眾演員加埋嘟姐鄭裕玲同叻哥陳百祥一齊做咗法庭戲谷劇，但阿叻就頻頻唔忘記對白，激到嘟姐彈起，最後索性叫阿叻行埋一邊唔好再亂講嘢。
當嘟姐同叻哥中借提發揮去問陳豪個BB係仔定係女，但係陳豪都係冇正面回答，只係講咗句經典對白：「Objection!」(喉糖廣告)，被嘟嘟反彈話反駁無效，最後陳豪好無奈咁話：「係Good，一個好字，一半係仔一半係女。」阿叻就喺眾目睽睽下摑咗陳豪一巴……或者應該話係「輕撫你的臉」啦；介紹劇情嗰陣，黎耀祥仲跟足潮流咁話：「我哋套劇有法拉BB、馬賽BB同埋好多唔同類型嘅BB同大家炮制啲愛情戲。」
《法外風雲》0依套劇有傳聞係要力谷陳豪做視帝，希望用視帝留低陳豪係無綫喎。有傳聞話《法外風雲》嘅首播日期10月14日9點半檔原本係《OnCall36小時II》嘅首播日期，但係為咗可以推陳豪做視帝，所以就將《OnCall36小時II》推遲，俾《法外風雲》播咗先。
喺今次台慶亮燈節目入面，《法外風雲》嘅片段仲可播咗三次，實行令觀眾睇多啲片段，等陳豪嘅曝光可以再多啲。而播出嘅第三次片段好有可能係臨時加入去，事關叻哥話播第三次片段之後，嘟姐馬上反應謂：「冇喇！冇片喇！」似乎第三次片段係臨時加入去。
另外喺《法外風雲》三段片入面，大家都可以睇到劇情係完全係包含咗無綫劇一貫嘅元素，好似錯綜複雜嘅愛情關係、主角以一敵六、兩個男主角打交、主角入醫院同埋例行嘅開槍避子彈加撞車，到底0依套咁「特別」嘅劇可唔可以令陳豪做視帝呢？
當嘟姐同叻哥中借提發揮去問陳豪個BB係仔定係女，但係陳豪都係冇正面回答，只係講咗句經典對白：「Objection!」(喉糖廣告)，被嘟嘟反彈話反駁無效，最後陳豪好無奈咁話：「係Good，一個好字，一半係仔一半係女。」阿叻就喺眾目睽睽下摑咗陳豪一巴……或者應該話係「輕撫你的臉」啦；介紹劇情嗰陣，黎耀祥仲跟足潮流咁話：「我哋套劇有法拉BB、馬賽BB同埋好多唔同類型嘅BB同大家炮制啲愛情戲。」
《法外風雲》0依套劇有傳聞係要力谷陳豪做視帝，希望用視帝留低陳豪係無綫喎。有傳聞話《法外風雲》嘅首播日期10月14日9點半檔原本係《OnCall36小時II》嘅首播日期，但係為咗可以推陳豪做視帝，所以就將《OnCall36小時II》推遲，俾《法外風雲》播咗先。
喺今次台慶亮燈節目入面，《法外風雲》嘅片段仲可播咗三次，實行令觀眾睇多啲片段，等陳豪嘅曝光可以再多啲。而播出嘅第三次片段好有可能係臨時加入去，事關叻哥話播第三次片段之後，嘟姐馬上反應謂：「冇喇！冇片喇！」似乎第三次片段係臨時加入去。
另外喺《法外風雲》三段片入面，大家都可以睇到劇情係完全係包含咗無綫劇一貫嘅元素，好似錯綜複雜嘅愛情關係、主角以一敵六、兩個男主角打交、主角入醫院同埋例行嘅開槍避子彈加撞車，到底0依套咁「特別」嘅劇可唔可以令陳豪做視帝呢？