《詭探》呢套劇題材深沉，咁拍劇悶嘅時候陳子豐同楊偲泳會做咩呢？佢哋就話就話會打機、玩IQ題，急口令等等，不過佢哋被要求講個笑話令大家輕鬆一下，楊偲泳竟然…話：「我本人就係一個笑話！」全場所有人不禁暗笑，楊偲泳即刻笑住話：「佢哋笑呀，我成功咗喇！」估唔到楊偲泳嘅笑功…可以咁…簡…單…；至於陳子豐諗咗一陣間，就話：「笑話﹖冇喎，好少講笑！」楊偲泳話：「佢平時唔笑㗎，唔同我哋講嘢㗎，好似關公咁。」陳子豐解釋：「我係集中精神預備演出，啲人成日以為我好COOL。」

輪到互數時間，雖然佢哋被觀眾大讚演技自然，但唔知佢哋有冇覺得對方喺演出上有乜缺點呢﹖陳子豐指楊偲泳有一個又係優點又係缺點，就係好容易瞓著，楊偲泳話：「我做嘢就係，但夜晚就好精神，我喺《詭探》入面嘅警局，因為係密封，冇冷氣，加上我心肺功能好差，好似缺氧咁，所以一停止，我就無聲無色瞓著咗，但係返到屋企開住冷氣好舒服，我就眼光光，所以我夜晚唔瞓。」