林峯今日喺商台宣傳新歌《HeartAttack》，事前親手整朱古力送俾電台DJ，真係sweet到爆。林峯話:「預備咗6、700粒，想係一個冇預約嘅HeartAttack，一個驚喜。」咁，當然係會預留一啲俾女友吳千語啦，冧女冇難度，但林峯就謙稱:「唔係，你哋以為啫，我麻麻0架咋，拍戲唔好信，我係Kai仔。只係有心思嘅，有心機整嘢。」下…林峯自認Kai仔？？？？？？？

聖誕節林峯應要工作中過，早前吳千語送拖鞋，林峯就好坦白咁話覺得貴(以林峯嘅身家同收入，都覺得貴，咁真係好貴!)但著得舒服。問到是否情侶裝(咁咪貴x2？)佢就甜笑謂:「唔係，我哋好deep好有層次，唔需要一式一樣，style襯就得。」咁對拖鞋幾錢？幾千蚊囉！(新聞連結: http://bit.ly/1P9PbGw )

等咗咁耐，林峯終於派新歌，但因為遲咗，所以今年未能入圍無綫總選。