當年今日
關於我們

【新增第六大訴求】《開心速遞》三次中秋都連戲 網民希望每年都有速熊月餅

蘋果日報 2019/09/13 18:00

娛樂熊樹根中秋節速熊月餅愛回家之開心速遞真情劉丹娛樂

一年容易又中秋,但對於《愛•回家之開心速遞》嚟講就絕對唔容易喇,2017年初開播至今經歷三次中秋節,以劇集嚟講好難得!

何況每到中秋,《開心速遞》都連戲,圍繞返「速熊月餅」呢個主題,仲連足三年戲,唔講得笑。難怪唔少網民都話「好感動,第三年睇速熊月餅」,更將「速熊月餅」提升至第六大訴求,話下年中秋都要繼續連戲!

其實照依家情況嚟睇唔難喎,早幾日先宣佈《開心速遞》添食至900集,加上收視長期奪冠,莫講話突破1128集嘅《真情》、播到下年中秋,下下年仲播緊都唔出奇,係咪好感動先?

不過,感動還感動,但熊樹根(劉丹飾)用疑似有灰甲嘅雙腳去搓月餅餡料,唔係人人都頂得順,堅嘔心。之但係如果唔重播搓月餅呢段,中秋節又好似少咗啲嘢唔夠圓滿咁,好矛盾呀!

Anyway,中秋節快樂。
9月2日起升級條件將更新 繼續每月撐壹仔 講真心話撐住我香港!
empty