世界盃已經進入最後階段，雖然今屆中國無份踢世界盃，但我哋要相信只係因為中國隊嘅光芒未被引爆。而美國體育品牌一剔牌就非常有眼光，最近製作嘅廣告就預示到15年後中國變成一流足球強國，仲擊敗葡萄牙，連英格蘭喺大賽抽中我哋都喊出嚟。

呢段廣告全長1:30秒，一開始就已經指去咗2033年，一名中國球員射出有如C朗級數嘅罰球，成為大眾明星。而國家隊方面，中國又可以擊敗葡萄牙取得連勝，更甚者喺大賽入面，英格蘭球迷見到球隊抽中同中國一組，都痛哭流涕，要快用由中國廠商生產嘅紙巾抺眼淚。隨住中國足球強起來，球員更成為歐洲主要聯賽搶手貨，連英超強隊曼城都立即簽入4名國腳。可惜，原來足總已經訂立條例，一隊波最多只可以買3個中國球員，如果唔係歐美球員真係會無生存空間，而小朋友打機更係要爭用中超球隊。

正當大家都好興奮嘅時候，鏡頭一轉就返去2018年，原來以上一切都未發生嘅，因為一眾新人仲努力緊。但我哋相信，只要時候到了，中國就會變成足球強國。

--------------------
一網睇盡
足動世盃 直擊俄國最前線
https://hk.feature.appledaily.com/worldcup2018/
--------------------
《體蘋果》陪你睇波講波
https://www.fb.com/appledailysports
--------------------
迎戰決賽周！《BFB CHAMPIONS 2.0》登入免費送連抽，超級球星立即入隊！ http://bit.ly/2xrTKGM