朱千雪及李佳芯今日到中環出席鞋履品牌宣傳活動，兩人仲將鞋比喻做男友，仲話最緊要係着得舒服，即係相處舒適，朱千雪被問到同男友相處成點？佢就話：「OK，所有嘢都要舒服，慢慢嚟。」朱千雪男友長期身在異地，兩人相隔幾個月先至有機會見面，朱千雪坦言最大問題係時間：「最大問題係有時間先有得發展，大家始終都忙，再下次可能係聖誕節，但係我喺聖誕節嘅工作時間表已經排滿晒。」

同場嘅李佳芯就話揀男友同鞋一樣，要有個性，李佳芯話：「性格每個人都有，要識愛自己。」對於如何形容現時的男友，佳芯則說：「做朋友OK，未必係波鞋，平底鞋都舒服。」