一代才女林燕妮病逝，相識多年的好友鄭明明表示︰「好難過！唔知佢有病，剛剛睇到新聞，我打電話問朋友，佢哋話我知係真。」明明姐表示跟林燕妮相識多年，以往一班好姊妹，每個月會相約聚會，「我哋以前會每個月出嚟傾偈見吓面，係近呢兩年大家先至冇見。」

說起林燕妮，明明姐稱讚對方是個有學識、有品味的人，她說︰「我好欣賞佢，佢記性好好，唔單止文章寫得好、有學識，佢着衫好有品味，我都喺佢身上學到嘢，點樣去配搭衣飾。」

明明姐回想兩年前跟林燕妮一通電話，她說︰「大概兩年前，佢已經好耐冇出來，我打俾佢叫佢出嚟，佢話唔想出想留喺屋企。我知佢好鍾意食印尼嘅千層糕，我話喺印尼帶咗番嚟俾佢，佢先至應下我，攞到去佢只係叫我放喺樓下管理處度，都冇見到佢。」