【本報訊】中學文憑試尚未完結，教育局昨今連續兩天在九龍灣國際展貿中心舉辦「多元出路資訊SHOW 2017」，為畢業生提供不同的升學就業資訊，不過昨日現場家長多過學生，有家長稱兒子「唔識（揀）」所以一同到訪。
展覽會設有30多個攤位，介紹不同院校經本地評審的專上課程，提供各出路資訊讓學生規劃升學途徑及就業出路。不過「皇帝唔急太監急」，昨日有不少家長陪剛考完試的子女、甚至子女無來也要單拖到場查詢升學意見。

台灣升學趨勢消失

陳氏夫婦陪同文憑試畢業生兒子到場瀏覽升學就業資訊，被問到未考完試已來看展覽是否太早，陳太說：「唔係，佢7月就放榜啦嘛！咁都要畀佢自己諗吓自己條路點行，唔係我諗吖嘛，畀佢睇番讀咩科跟住行咩路。」問及是否兒子無自覺性自行來查詢升學前程，陳太表示：「佢應該唔識，就算老師同佢講，可能都係聽啲同學講吓。」其子陳同學則指，有爸媽陪同感覺較安心，「長輩多啲經驗，同朋友一齊嚟都係冇乜信心」。
香港青年協會註冊社工黃先生指，近年看到有較多家長出席升學展覽幫子女問前程，估計因為家長無途徑知道子女實際的前途意向和學業情況，而且家長自己也非DSE學制畢業，加上子女未成年已要想升學前路，令他們更着緊。他補充，早兩年升學台灣的趨勢已消失，學生升學選科仍以法律、醫療等傳統專業較為吃香。
■記者袁楚雙