日本樂壇天后宇多田光去年回歸推出專輯《Fantome》，由於仍深受歌迷歡迎，令宇多田光入行後首次亮相年底音樂盛會《紅白歌唱大賽》，歌唱事業再攀另一高峰。

宇多田光於1998年12月9日以15歲之齡入行，由EMI替佢發行處女單曲《Automatic》，之後一直屢創樂壇神話。34歲嘅光妹入行18年，多年來分別由EMI及環球旗下嘅Virgin Music發行唱片，月前佢宣佈過檔Sony Music嘅EPIC，今日終於公開其最新動向，先有首張宣傳照及代言嘅Suntory天然水30秒預告，官網亦換上新裝，其轉會後新歌將於今年初夏公開，遲幾日就會再公佈詳細內容。