泳兒的母親早前因為腦出血入院，至今仍昏迷不醒。泳兒強忍眼淚，一直堅強地應付日常工作及照顧家人。上次泳兒出席《勁歌金曲》總選領獎時突然淚如雨下，謂:「我最想媽咪聽到我唱歌...因為佢喺醫院未醒，不過唔緊要，希望明年聽到，唔緊要，可以聽返重播，希望爹哋媽咪都可以身體健康。」唱完歌後，泳兒再表示:「首歌送比媽咪，因為佢每日每夜都聽住呢首歌。」

今晚泳兒出席新城勁爆頒獎禮奪亞洲歌手大獎時，司儀露芙介紹她時，說泳兒最近日日忙開工又要照顧家人時，泳兒開始忍不住眼淚，講得獎感言時一度說不下去。此時露芙又呼籲全場觀眾為她打氣，指她的堅強是有目共睹，泳兒聽得此句時更是眼淚不停流下…

泳兒說:「上天冥冥中註定有阻力，我作為一個平凡嘅人，惟有努力面對。」泳兒又表示深深感激公司上下的支持和幫助:「佢哋幫咗我好多好多，用盡方法幫我，可以延期嘅都幫我延期。」

泳兒一邊流淚，續道:「好開心得到三個獎，呢個都係我入行最豐收一年，好多謝公司，多謝屋企人，爹哋媽咪。我唯一可以做嘅事，卜就係每日俾支持我家人。我可以預期未來係一段漫長嘅路，我已經諗好要堅強積極面對。傷心係一定，家人都希望我工作俾心機。我相信有一日，我媽咪醒番時、有意識嗰陣，知道我照顧佢之餘，工作上都有成績時，更加安慰。」

部份得獎名單：
新城勁爆亞洲搖滾歌手大獎：周國賢
新城勁爆亞洲歌手大獎：泳兒
新城勁爆亞洲歌手大獎：李蕙敏
新城勁爆亞洲歌手大獎：林曉培
新城勁爆亞洲歌手大獎：關心妍
新城勁爆亞洲樂隊大獎：RubberBand
新城勁爆亞洲組合大獎：CAllStar
新城勁爆流行爵士歌手：泳兒
新城勁爆發燒音樂專輯：《風•情歌》泳兒