沈殿霞（肥姐）、袁潔瑩（Fanny）、陳伶俐、文頌嫻、元華及劉玉翠昨日往尖沙嘴舒適堡健身中心，為無綫新劇《我要fit一fit》試造型。
昨日袁潔瑩自爆因貪睡遲到一小時返電視城開會，她說：「監製冇鬧我，因為我一向都好守時，今日只係意外，我覺得自己有錯就要認，唔可以逃避。」

「乜事都冇發生」
而有報道指元旦夜古仔與電影監製在酒吧內發生爭執，袁潔瑩更遭古仔粗口辱罵，在場的袁潔瑩力撐古仔說：「妖！我在場嗰二十分鐘根本乜嘢事都冇發生過，嗰晚大家都有飲過酒，不過冇醉，佢又點會無端端鬧我。」
此外，肥姐昨戴上私伙鑽戒、耳環和手表，她說：「頭六集話我係一間公司嘅高層，所以會出動私伙，我重特登去買咗副新眼鏡，折咗都要四千五蚊。」
採訪：王崇穎
攝影：陳志嵐