【武漢肺炎】森美父母今接受口水檢疫 擔憂返港要再隔離似坐監
森美鑽石公主號
武漢肺炎擴散未停,停泊在日本的「鑽石公主號」周日再多70人確診,令船上感染人數增至355人。森美的父母仍在船上接受隔離,今日森美接受《蘋果》電話訪問表示,父母終於獲安排接受檢驗:「佢哋暫時冇事,今日醫護人員攞佢哋啲口水去驗有冇事。」
保安局周六深夜公佈,正安排包機免費接載在「鑽石公主號」上接受檢疫的港人,在獲准離船登岸後盡快返港,而抵港後會安排入住隔離營接受14天檢疫。由於雙親年紀老邁,森美憂心說:「屋企人而家都擔憂緊,如果返嚟香港要再檢疫嘅話,要再隔離多十幾日,即係坐足28日監,而家都等緊佢哋嘅安排。」
昨日森美透露,年過70歲的父母暫時未有病徵,希望日本政府可以加快檢疫:「阿媽話有啲朋友剛驗咗,未知幾時到佢哋,如果呈陰性可能畀佢哋喺其他地方隔離。希望香港政府早啲同日本交涉吓,船上面嘅檢疫方法好慢,希望可以周旋吓有冇方法快啲,畀佢哋盡快離開隻船。」
抱持樂觀態度的森美,昨日在社交網貼遠眺相並留言:「無論何時,都向好方面看,那邊就有好風景!#香港人齊抗疫 #多謝大家關心」,小儀、黃翠如、余德丞、雨僑和網民紛紛留言為他打氣。
-----------------------------
第三屆最港電影大獎
按此立即投票 -----------------------------