知唔知點解年年渣馬都咁多人去跑吖？因為夠健康？因為想挑戰自己？都係啦，不過，晨咁早走去跑十幾丶二十公里，為嘅唔止渣馬女神劉心悠，今年仲有憑一首《傻女》，被網民封為2015樂壇救星嘅-------「哭腔歌神」李逸朗！

究竟李逸朗會唔會唱住跑呢？定係佢會喺衝線一刻大嗌三聲，好似佢首歌尾段咁激昂呢？

心悠BB呢，佢今年已經係第九次參加渣馬，不過可憐佢腳扭傷過，所以過去一年都冇點樣練過跑，預計今年一定會比前次慢...

唔緊要啦，心悠BB跑慢啲，大家咪可以望耐啲囉！當然，大家到時仲有野生陳嘉桓同Regen可供捕獲啦！

另外，商台DJ細So﹑朱薰及Donald三人都參加渣馬，亦相約一齊練跑，兼做熱身，為賽事做好準備。至於少爺占都係跑得之人，今年會參加十公里賽事。