有個唱功幾好嘅新進女歌手,雖然係同性戀,但佢年前出席某前輩女歌手嘅聚會時,前輩女歌手介紹咗個年輕有為嘅契仔畀佢識,當佢知道對方係富家子嘅時候,竟然為咗貪小便宜兼拉近同前輩歌手嘅關係,而向前輩歌手暗示對佢嘅契仔有意思,叫前輩做媒。
管接管送
之後,前輩女歌手安排好多機會畀富家子同新進女歌手,富家子重動咗真情,做晒觀音兵管接管送。不過,當新進女歌手發覺對方嚟真時,佢就費事再貪小便宜,即刻搵個藉口同個富家子分手。
蔡依林扭蛇腰消暑
蔡依林(Jolin)日前去咗吉隆坡出席「看我72變」簽唱會,佢當日着咗件白色背心同短裙,Jolin喺影相時重笑笑口話:「等我拉一拉裙子,否則攝影師就會拍到我的內褲,雖然我裏面穿了件可愛的東西。」之後,Jolin喺跳舞時又不斷扭腰,向在場歌迷大派冰淇淋。