潘燦良今日到商台繼續為電影《逆流大叔》做宣傳，講到電影票房已成功衝破1200萬，佢話對成績非常開心亦絕對係意料之外：「真係好驚喜，估唔到可以捱到今日，而且第二週已經經歷Cut場再加番場，多謝咁多位觀眾嘅支持，而且電影嘅口碑好好。」

潘燦良又話，除咗多謝觀眾亦要多謝一班演員落力宣傳謝票：「尤其是黃德斌，佢每一場謝票都有出席，為電影宣傳非常落力。」講到潘燦良喺電影入面，飾演一位中年猥瑣大叔做得入型入格，佢話：「係導演劇本寫得好，我都係跟足導演意思去做。」咁女友蘇玉華睇完有咩意見：「佢首映唔喺香港，後來我再帶佢睇， 我一出場佢已經話我做阿叔做得好似。」

精選娛聞，喺晒《娛果》
http://fb.com/appledailyent