當年今日
關於我們

【短片】【經歷兩段婚姻】醫生老公曾偷食已婚女職員前亞軍黎淑賢曾嫁盧惠光

蘋果日報 2015/02/13 06:00

蘋果羅霖婚姻即時黎淑賢盧惠光醫生老公曾偷食已婚女職員前亞軍

今日凌晨兩點幾,97年亞姐亞軍黎淑賢忽然喺微博呻自己容忍個老公,指容忍不等如接受,唔講唔等如唔知道,未知係唔係老公再次偷食,令黎淑賢心力交瘁先寫下留言。

前亞姐黎淑賢經歷過兩段婚姻,98年黎淑賢同大自己19年嘅盧惠光拉埋天窗,不過婚姻只係維持咗7年,06年黎淑賢承認同前夫盧惠光分居,當時佢喊晒話離婚導火線係盧惠光太多應酬,令佢過住冇家嘅生活,一個人獨力照顧長子盧俊諺同次子盧俊希,宣佈婚姻畫上句號(新聞連結: http://bit.ly/1FF0rmZ );三個月後,黎淑賢就戀上醫生許智政(Angus),於07年與對方結婚,展開第二段婚姻,婚後二人育有二子許溢(Aston)及許量(Martinus)。

不過,黎淑賢嘅婚後生活有傳唔係太美滿,前年有指美容醫生老公許智政偷食公司已婚女職員,二人喺街頭又攬又錫,又被影到同疑似第三者去買性玩具,更與該已婚女職員同居,老公許智政每逢星期日先返屋企。(新聞連結: http://bit.ly/1MhGJ5g )

據當時報道表示,黎淑賢同老公前年開始分居,有傳黎淑賢一直靠忍,以為老公會回心轉意。早前羅霖講過自己有介紹律師畀黎淑賢搞離婚,又爆許智政絕情到連兩個仔嘅撫養權都唔要,誰料黎淑賢否認傳聞,令離婚變成羅生門,黎淑賢更同羅霖擘咗面。

現時由黎淑賢自己喺微博呻「老公不是一種身份,而是一種責任。老婆不是一種稱呼,而是一種守護」,未知係唔係再為老公操心?