女子組合Super Girls成員Aka和Cheronna、孫慧雪、黃妍及葉巧琳今日在工展會出席活動，孫慧雪帶同兒子現身，對於她與老公Edwin結婚3年，但近日再到教堂行禮，她解釋：「囝囝要喺3歲前做嬰兒洗禮，神父問我哋當時結婚有冇行禮，我哋就冇行禮，因為老公係天主教教徒，神父叫我哋先告解，因為冇同上主講我哋結婚，喺天主教嚟講唔當我哋結婚，所以再搞一次行禮。」她指行禮前要上婚姻輔導課程了解婚姻的真諦：「重新了解對方，但真係有幫助，原來佢有啲嘢，我真係唔係好知。」有沒有特別慶祝？孫慧雪說：「太忙喇，噚日仲要返公司錄《今日VIP》最後一集嘅訪問，做最後一集嘅嘉賓，可以話係有幸，前後接受咗4次嘅訪問，係唔捨得。」

Aka和Cheronna今次均以個人身份參與。對於昨晚平安夜，Cheronna表示與朋友聚會交換禮物，Aka則謂在家中打邊爐。提到她們現時是單身，Cheronna坦言不寂寞，因為有家人及朋友陪伴。會否擔心習慣了一個人的感覺？Cheronna說：「我想習慣下，因為我想專注工作。」有沒有男士相約她？Cheronna即表示：「我都覺得我推得幾多，但佢唔係單獨，係約一班人，遇到啱先至會，但係暫時我覺得唔需要。」會否將被她拒絕的男士介紹給Aka？Cheronna說：「我同Aka太唔同，大家鍾意嘅類型都唔同，Aka鍾意啲好乖，好似書生咁同佢吟詩作對。」Aka表示有朋友給她介紹男士，可惜暫時未合眼緣。

採訪、攝影：黃曉妍

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此