吳千語今日以宣傳大使身份，喺中環出席nowTV播映香港國際七人欖球2015。

千語表示好鍾意睇欖球賽事，可惜到0依家都未去過睇現場，不過佢話大讚欖球運動員好大隻，佢咁樣讚法，怕唔怕男友林峯介意？佢話：「係事實喎，不過運動員嘅大隻唔係好現實，唔可以運用到現實生活。」

如果林峯變大隻呢？千語話：「冇所謂，佢點都ok，我唔係睇外形，內在內涵好重要，肥瘦都冇所謂。」咁中年發福有大肚腩呢？千語話：「ok，冇所謂，我都偏瘦，我身形又唔係特別標準。」

另外，講到林峯感冒病咗，千語話：「非常反覆，病完又好，好完又病。」佢表示會睇下有咩湯水，不過佢認為最重要準時食藥同食維他命C。係咪冇得咀嘴？千語話已經隔離。