【回歸廿年】釋法5次 大律師公會前主席籲時刻警惕
余若薇釋法法治大律師公會
法治曾經是港人自豪的核心價值,回歸20年來,這價值正面臨不同方位、不同程度的衝擊。5次人大釋法,有推翻法院判決、有僭建政改步驟、連法院未審先判都有。回歸時出任大律師公會主席的余若薇擔心法治堡壘遭受動搖,勸勉港人要有「永恆嘅警惕」。
談起20年來香港法治的變化,余若薇先指「如果你要安慰自己或者覺得無問題嘅話呢,純粹睇表面,你會覺得20年落嚟法治都係咁」,只是法治觀念已進入港人的血、肉和思想中,不會因數次衝擊而一下子散掉。
不過余續指,「任何一個堡壘,你幾堅固、建咗幾多年都好,你咁砰砰砰砰咁砰佢好多次,佢都會弱喇」,她指的是人大釋法。「每一次人大釋法,加上對於法官嘅壓力,我相信其實係有嘅」。她察覺到每次釋法下來,社會的反應是變得越來越難反抗,「因為好多嘢好容易都係嚟得多就會變咗一種習慣、或者一種無奈」。
法政匯思任建峰和立法會法律界議員郭榮鏗都抱有同感。任建峰形容,每次釋法不一定都帶來很大傷害,但累積起來就另一回事,「好似一個人咁,身體OK,但係有幾聲陰魂不散嘅咳」。郭榮鏗則形容,5次釋法對法治在「感覺上、觀感上係蒙上一個頗大嘅陰影」。
余若薇和郭榮鏗都不約而同指,最損害法治的一次釋法正是去年宣誓案,郭指「佢係法院審理緊一單案件嘅途中去釋法,好明顯係嘗試想影響法庭嘅判決」,他亦提到,99年居港權案的首次釋法,同樣有很大影響,因為當時終院已有判決。
余若薇憶述,回歸時她因出任大律師公會主席,時常受訪或致辭講述香港法治未來,她總會在結尾提出一些積極、正面、「向前看」的言論,現在回想實在有點幼稚,「中國係現代化咗,但係咪等如佢開放咗呢?其實唔係喎」。話雖如此,余仍然相信北京重視香港有法治這優勢,「不過佢唔係太鍾意香港嘅人嘅人心冇崇拜共產黨嗰一套啫」。
相比起來,郭榮鏗和任建峰較為樂觀。郭相信法治會否變質,主要視乎港人和法律能站得穩,任建峰更強調不能杞人憂天,始終香港「爛船都有三根釘」,「香港唔應該自視過高,亦都唔應該睇小自己」。
展望將來,他們3人都寄語港人要繼續發聲。余若薇強調,港人要為守護法治而有「永恆嘅警惕」,不能太過保守,否則自由會越縮越小,但也不宜走到另一極端,「你太過偏激呢,喺香港嘅社會亦都至少目前嚟講,好難接受,效果反而會弄巧反拙」。
97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk
回歸時出任大律師公會主席的余若薇擔心法治堡壘遭受動搖,勸勉港人要有「永恆嘅警惕」。