周末（14日）沙田八草兩泥賽事，草地用最狹窄之C加3跑道，天文台預測或有幾陣雨，估計場地掛牌為好地。

睇番最近2月8日同一移欄賽事，後追馬唔算蝕底，如「七寶」、「爆騷」、「友誼至好」及「忠心美麗」等從中後位置衝上贏馬，不過都係於彎位守內叠慳位留力，反而走外叠轉彎未必蝕得起。

今次列陣馬中，第六場三班1400米「請跟我來」今季唯一頭馬正是跑C加3欄1400米所得，今仗重返強項，有力回復表現。

另外，第八場一班1600米「友誼至好」上場正是於田C加3欄後上建功，贏完等番同一移欄再跑，有機會再下一城。

至於兩場泥地路程分別為1650及1800米，近期泥地中距離利追唔利放，所以第五場四班1800米「為食格格」，及第七場三班1650米「安賦」等擅跑泥地之後追馬不妨優先留意。

-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩