【有料到】寧買當頭起！「鑽飛鷹」乘馬房旺勢一飛沖天（韋倫）
蘋果日報 2019/12/13 22:20
韋倫有料到鑽飛鷹
鑽飛鷹今仗改配莫雷拉上陣
姚本輝經過上季小低潮後，今季大放異彩，勝出之馬好開續好，就連以往未勝之馬亦陸續交出好成績，旺勢馬房值得跟進。
今戰第九場三班1200米草地的「鑽飛鷹」，季內一再有接近表現，可惜屢遇強手才與勝利擦身而過。今次交由莫雷拉接手，騎練大旺加上馬本身有實力，應可順利贏番場矣。
「鑽飛鷹」為澳洲自購馬，上季二班起步，適逢當時姚廐表現徘徊，只曾一次入位而未勝，不過該役93倍身份狂追「弛曜風」得第三，已印證具相當質素。
今季「鑽飛鷹」前速大有改善，跑法轉趨主動，表現亦更見進步，前仗沙田1200放頭，埋門才被「友瑩囍」及「牛角仔」所越，現居三班隨時可勝。今場欣逢內檔（3檔）之助，配合雷神壓陣，贏面高唱。