梁家輝孖女早年喺加拿大讀書，目前已大學畢業，大女梁穎晨(Chloe)都想留喺香港發展，之前幫朋友拍咗個廣告，未知會唔會入演藝圈，而爸爸梁家輝都開綠燈畀Chloe，唔反對囡囡入娛圈，認為要俾佢試過先知適唔適合!

外貌甚有氣質嘅Chloe原來早前報讀完鑽石文憑課程，而佢讀嘅設計個class，今日亦畢業，剛才喺Ig貼出自己嘅作品，以及與一班同學仔影合照，仲感謝老師耐心教導。果然多才多藝!