日本女歌手YUI憑住才華及甜美聲線迷盡亞洲歌迷，佢喺香港都吸納眾多Fans支持，不過YUI喺2012年11月宣佈暫別樂壇，事隔兩個月改以短金髮look組成樂隊FLOWER FLOWER發展，上年更驚爆奉子成婚消息，一次又一次擊碎粉絲嘅玻璃心。

去年8月，YUI為圈外人丈夫順利誕下一對孖仔，榮升媽咪後，YUI並冇放棄歌唱事業，不時於樂隊FLOWER FLOWER嘅官方網站撰文向歌迷透露近況。趁住FLOWER FLOWER上月推出首支單曲《寶物》，29歲嘅YUI產後拍攝MV及唱片宣傳照，只見YUI留回長髮同以前當紅時分別不大，不過YUI日前終於露真身，佢去到澀谷區TSUTAYA及TOWER RECORDS唱片店宣傳新碟，久未露面嘅佢穿上鬆身衫褲，令身形體落似乎拉闊咗些少，畢竟已貴為人母，唔少粉絲都話懷念以前嘅YUI多啲。