今晚（28日）谷草用最狹窄之C加3跑道作賽，度地儀指數2.70，場地掛牌為好地。如天氣情況許可下，將按計劃在第4場後進行壓地。

睇番最近1月31日同一移欄賽事，當晚度地儀指數2.72及掛牌好地，全晚走內欄之居中後上馬表現不俗，如「喝采」、「金剛仔」、「僥倖」及「再石磨藍」均於早段守內叠慳位留力，入直路憑後勁衝贏對手，故此靠後勁食糊馬不能太過輕視。

今戰列陣馬中，頭場「葵涌老友」唯一頭馬正是於谷草C加3欄後上所得，亦是全場唯一贏過此移欄之參戰馬，改配莫雷拉出戰強項可看好。

另外，第七場「再石磨藍」上仗正是於1月31日谷草C加3欄勝出，等番同一移欄再來有力添食。