鮑魚是我過時過節最愛的食品，當我知道這個長週末，黃埔「九號水產」有個「韓國鮑魚節」，我即時通知SY齊齊去玩。

鮑魚節主要由兩個區域組成，Pop-up美食市集有師傅即煮鮑魚輕食，可以當成一個小掃街場。原隻汁煮鮑魚（$20）、XO醬什菌炒鮑魚絲 （$20）、角切鮑魚串 （$20）、鮑魚汁溏心蛋蒟蒻麵（$20）。

我和SY第一時間選了 $20 BB鮑魚配 $20 鮑魚絲炒什菌，我：「鮑魚炆得好腍，好入味」，SY：「鮑魚絲炒菇菇熱辣辣都好好食喎。」

而另一邊則是令SY興奮了半天的鮮活韓國鮑魚，自己揀自己撈自己磯燒。我問店員：「一定只可以燒嗎？」，店員答：「你可以揀刺身、玉子燒、做沙律杯、涼拌粒粒露筍都得呀！」

正當我和店員在研究食法的同時，SY已經不斷伸手入冰水中與鮑魚玩遊戲。SY很緊張的問:「爸爸！我哋真係自己可以撈起隻鮑魚？點樣揀呀？我唔識喎，邊隻靚呢？」

雖然店員說，每隻鮑魚也很新鮮、很生猛，但估計愈活躍、愈肥美就一定最好食，橫掂全部鮑魚也是$60一隻，那當然就揀隻最大最肥最好動的啦！

選好鮑魚，我們便交到旁邊的位置，給師傅先清潔，如果想食活鮑魚刺身，師傅會現場為你將鮑魚切片，師傅：「你見到鮑魚啲角位繞起嘅，即係仲活，夠晒新鮮。」

活鮑魚煎厚燒玉子，只需補上$20差額，（合共$80），師傅又會即場將你剛才撈起的活鮑魚砌片，將肝臟混入日本雞蛋蛋漿，製成厚厚滑溜的玉子燒。SY：「爸爸你唔講，我仲以為面頭嗰啲係黑松露，原來係鮑魚肝」，我：「蛋燒得剛剛好，最驚佢煎得太老，啲鮑魚片煮過，熟熟哋真係好食過活生生嘅口感喎。」

原來磯燒鮑魚會出現爆膽的驚嚇場面，SY：「轟一聲真係好得人驚呀！」

其實，只要跟師傅溝通一下，請他切走鮑魚的膽，又或者磯燒時，每邊大約燒5分鐘，就可以避免出現爆膽的情況。（我今日真係又學到新嘢啦～Yeah！）

食鮑魚對我來說夠吸引，但熟食的比活生生的更合我口味，不過，對於SY來說，玩攤位遊戲，就更加令這位小朋友樂而忘返，SY一見我來即大叫：「爸爸！我贏咗隻老夫子啦！」
 

「韓國鮑魚節」詳情

日期：6月15日至18日
地點：紅磡德豐街8號黃埔新天地第九期地下九號水產
時間：5pm-8pm（6月15日）、2:30pm-7:30pm（6月16日至18日）

專欄作者簡介：
大仁生活愛玩具，愛一家三口吃喝玩樂，不停四圍影影影，愛電視、愛日劇、愛八，鍾意左儲右儲，鍾意咲看仁生。

Facebook專頁：
https://www.facebook.com/hayakutang

發掘更多身邊的小城故事，請LIKE 蘋地Facebook Page，並設定為「搶先看」： https://fb.com/appledailyland