夏雨、李司棋、米雪、阮兆祥、江美儀及劉錫賢，早前飛赴新加坡為舞台劇《秘密》在嘉龍劇院進行一連兩場的首站巡演，兩場均座無虛席，反應相當熱烈。大隊將於3月30日再赴馬來西亞雲頂，進行第二站巡演。

江美儀頂替疑健康出問題的關菊英演出(相關新聞﹕ https://bit.ly/2H9Wsso )，美儀雖然是「新血」，但表現毫不怯場，舉手投足均騷味十足。美儀與米雪為爭家產，出盡法寶色誘夏雨;美儀今次棄穿黑絲襪，在台上show白滑美腿，穿上一條黑色吊帶睡衣，更疑似「裝大胸」演出，令身材望落fit到漏油，她坦言因為角色頗為「少布」，故臨出發前有專程做機令自己更firm：「其實呢排我真係弗咗，因為有keep住做運動，去咗水腫。」

祥仔大讚美儀甚得新加坡觀眾歡心：「每次佢出場，啲觀眾都笑得好開心。」美儀亦笑言難忘觀眾反應：「好好玩，我哋有啲位冇諗過佢哋會笑得咁開心，同埋佢哋真係由頭笑到落尾，證明反應好好。」

除了工作，眾人不忘四出覓食，美儀笑言祥仔是是次旅程的「衣食父母」，她說：「我哋想食乜，祥仔都安排到。最後一餐，我哋差不多食勻晒新加坡嘅地道美食，所以我想專登多謝祥師兄咁照顧我哋嘅五臟廟。」祥仔最難忘的，則是拜會了《歡樂今宵》創始人蔡和平，並大讚逾70歲的蔡先生依然熱愛工作及生命，是值得學習的榜樣。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef