王菲同李亞鵬因為愛女李嫣天生兔脣，所以夫婦特別成立嫣然天使基金會，幫助有需要嘅小孩，去年更喺北京興建嫣然天使兒童醫院，為慶祝成立一周年，大會今日喺尖沙嘴洲際酒店舉行慈善晚宴，一向喺圈中人緣甚好的王菲，獲好友撐場，劉嘉玲、那英、趙薇、關之琳、楊千嬅、鍾鎮濤同陳奕迅夫婦等到場支持，吸引過百傳媒採訪。

而年頭生咗個B女嘅內地女星黃奕，單拖到場，著住全黑衫嘅佢，晒5吋事業線震撼全場，見佢好醒神，不過就生B後身形真係發福唔少。

另外，黃伊汶亦單拖赴會，佢透露自己有份嘅手錶品牌連續第二年捐錶作拍賣，今次捐贈價值六十萬蛇年錶，希望比去年籌得嘅百幾萬有更好成績。另談度前男友余文樂同吳雨霏拍拖？黃伊汶笑言： 「祝福佢條尾！我睇到新聞都咁同佢講，forfun，同佢一直係好朋友。」 佢又透露男友陳國坤已向佢求婚，但自己仍未有結婚衝動，所以未答應。

而曾寶儀以超DeepV藍色連身裙單拖現身，晒3吋事業線，大賣性感。