當年今日
關於我們

【開槍劫表行案】喜運佳老闆蔡加讚教員工:保命最緊要

蘋果日報 2015/03/14 06:00

蘋果中環蔡加讚方大同尖沙嘴蘭桂坊即時陀飛輪開槍劫表行

噚晚喺蘭桂坊舉行咗一個愛彼錶活動,請來吳君如同古天樂任嘉賓,君如佩戴嗰隻價值$476,000,裝嵌咗550粒鑽石;古仔嗰隻價值2015年最新款式陀飛輪腕表,全球限量得50隻,價值$212,300。同場仲有盛智文、蔡加讚等等。

蔡加讚本身都係做鐘表生意、係喜運佳老闆,講番前晚尖沙嘴發生嘅開槍劫表行案,蔡加讚謂:「聽到呢單新聞都好震驚,因為香港好少發生槍擊案,今日(即噚晚)同同事講番,話佢哋知命仔最緊要,就算俾人搶咗,保險都有賠。命仔係最重要。」蔡加讚又表示呢單案引起全行關注,並謂此事仲係喺鬧市發生,故會加強安全意識。

蔡加讚又表示平時都會巡舖,但都只係留一個鐘左右。佢話平時都有提高警惕,但最重要都係教同事員工唔好反抗,「不過有啲同事好好,佢哋會保護公司嘅財物,話呢啲係公司嘅物件。」