【生活篇】
王賢誌一直沒有掩飾自己各方面得到父蔭支持,但「有錢仔」的標籤,卻令他受到社會歧視富人的折磨。他自言生活不算奢華,從來不玩名車、貴音響,最大開支只是旅遊和嘆美食。
「一個大學畢業生頭三年嘅工資最多得6000蚊,我TVB份人工咁奀,有爹哋接濟,先唔使供屋、養車,否則死鬼咗啦!」王賢誌上年因家中關係做到東華三院總理,名下先後擁有的兩匹名馬亦與王父共同飼養。但他認為自己不能被定義為豪門,「屋企唔算係好有錢,中上啦,由細到大住九龍區,細細個有司機,有私家車坐,但從來都冇保鑣、冇私人飛機。」
他以往很介意被標籤為有錢仔,「實在好多人係憎人富貴厭人窮,標籤咗呢樣嘢影響我工作囉,喺電視台想要機會,但人哋會覺得我唔恨做玩玩吓,其實係一個歧視嚟㗎嘛,但又冇辦法去改變人哋觀感。好似我唔鍾意電視台幫我安排衫褲咁,就話我少爺脾氣,但自己先最清楚點着好睇。」