韓國男團GOT7後日再度襲港，喺亞洲國際博覽館Arena舉行「GLOBAL FAN MEETING IN HONGKONG 2017」，今次見面會係GOT7喺中港澳台四地唯一一場見面會，門票早前已公開發售。

由於門票好快售罄，所以主辦方即時加推$1,380及$980兩種門票嘅座位，再加上之前公佈追加嘅門票，即時令合共400名幸運粉絲同樣獲得追加神秘福利，據主辦方面透露粉絲要留意現場廣播先會知道能否成為400位幸運兒中嘅其中一名幸運兒獲得呢個神秘福利。同時GOT7為了到時喺台上冧港迷，成員現時正秘密苦練一首廣東歌，到時喺台上親自唱廣東歌冧港迷，而香港成員Jackson就必定充當成員之間嘅老師，教佢哋點樣講廣東話。

另外，主辦方亦提醒各位粉絲，進場嘅觀眾都須要經過現場安檢先能夠進入場館，隨身行李超過38 X 30 X 20cm都要寄存喺，記緊要提前在場館禮賓部寄存。