【正義聯盟齊集動漫節】「神奇女俠」冧爆小影迷 「超人」抱起女粉絲

蘋果日報 2017/12/11 08:00

超人神奇女俠正義聯盟亨利卡維姬嘉鐸
    美國長島正舉行ACE動漫節，《正義聯盟》（Justice League）入面嘅幾位超英再次聚頭一齊見影迷，包括有「神奇女俠」姬嘉鐸（Gal Gadot）、「超人」亨利卡維（Henry Cavill）、「水行俠」積遜莫瑪（Jason Momoa）、「閃電俠」艾薩米勒（Ezra Miller）同「鋼骨」雷蒙費沙（Ray Fisher），但就未見「蝙蝠俠」班亞弗力（Ben Affleck）。
    購票入場嘅影迷有機會同偶像合照，有幸參加嘅影迷都Cosplay成超英人物參加，當中包括唔少小影迷，本身育有兩個囡囡嘅姬嘉鐸悉心教小影迷擺甫士影相，又抱住「BB超人」合照，母愛盡現，而亨利卡維同艾薩米勒都同小超人、小閃電俠擺甫士影相。其實幾位演員同影迷合照時都盡量滿足大家嘅要求，好似有Cosplay上陣嘅影迷要求亨利卡維扮扭佢個頭，同埋有女粉絲要亨利卡維抱住自己影相，亨利都冇托手踭，艾薩米勒仲錫咗一位Cosplay男粉絲一啖。

    更多娛聞，喺晒《娛果》
    http://fb.com/appledailyent
    empty
    《正義聯盟》幾位超英再次聚頭，現身美國長島嘅ACE動漫節見影迷。
    empty
    「神奇女俠」姬嘉鐸獲小影迷支持。
    empty
    佢更悉心教小影迷擺甫士影相。
    empty
    empty
    又抱住「BB超人合照」。
    empty
    「超人」亨利卡維（左）同「閃電俠」艾薩米勒，都擺甫士同小影迷合照。
    empty
    empty
    亨利卡維對粉絲有求必應。
    empty
    仲抱起女粉絲。
    empty
    艾薩米勒仲錫咗呢位Cosplay男粉絲一啖。