2018年賀歲片《西遊記之女兒國》，將於狗年同大家拜年，今次除咗有郭富城(城城)呢隻馬騮精「悟空」外，仲有飾演女兒國國王嘅趙麗穎㖭。

對於趙麗穎飾演嘅女兒國國王，星皓影業老闆王海峰就大讚佢係心目中唯一認定嘅人選，獨一無二，係無可代替嘅國王。而導演鄭保瑞亦話，喺佢嘅《女兒國》版本裏面，趙麗穎就係女王嘅不二人選：「她有自己的魅力，以及那份與生俱來的觀眾緣，正正是演活這角色最需要的東西！國王和趙麗穎，她們找到她們之間的溝通方法。」

趙麗穎就話，其實女兒國嘅國王，其實係一個少女，充滿憧憬，叛逆又好奇：「她是個情為何物本不知的女生，卻又控制不住想靠近那個平生首遇的他。」趙麗穎仲感同身受話：「當從未遇過異性的國王勇敢地去追求對唐僧的愛後，挺心痛的！到最後，至少在國王方面，悟到愛的真諦就是一個成全！成全所愛，換另一種方式繼續存在。」

更多娛聞，喺晒《娛果》
http://fb.com/appledailyent